Cənub bölgəsi üzrə bir sıra ümumtəhsil məktəblərində dərs jurnallarının verilməməsi ilə bağlı narazılıq var.
Cenublu.az-a daxil olan məlumatlara əsasən, Lənkəran–Astara Regional Təhsil İdarəsinin tabeliyində olan bir sıra ümumtəhsil məktəblərinə dərs ilinin başlamasından 7 həftə keçməsinə baxmayaraq, sinif jurnalları hələ də verilməyib.
Bu vəziyyət şagirdlərin davamiyyəti, qiymətləri və fənn planlarının hansı əsasda sənədləşdirildiyi sualını gündəmə gətirib. Müəllimlər bildirirlər ki, dərslərin qeydiyyatı və qiymətləndirmə üçün əsas sənəd olan jurnalların gecikməsi təhsil prosesinə mənfi təsir göstərir, şəffaflıq və hesabatlılıqla bağlı suallar yaradır.
Məsələ ilə bağlı Cenublu.az tərəfindən Lənkəran–Astara Regional Təhsil İdarəsinə sorğu göndərilsə də, qurumdan heç bir cavab verilməyib.
