Dövlət Ekoloji Təhlükəsizlik Xidmətinin əməkdaşları tərəfindən keçirilən nəzarət tədbirləri zamanı Cəlilabad, Biləsuvar, Salyan və Kürdəmir rayonlarında qanunsuz ovla məşğul olan şəxslər saxlanılıb.
Cenublu.az xəbər verir ki, araşdırma zamanı müəyyən edilib ki, qanun pozuntusuna yol verənlər Neftçala rayonunun Qaçaqkənd kənd sakinləri Tufan Hüseynov, Miryaqub Cəfərov, Salyan rayonunun Yeni Uluxanlı kənd sakinləri Mirağa Abbasov, Orxan Əliyev, Orxan Soltanov, Ziyafət Əliyev və Kürdəmir rayonunun Şilyan kənd sakini Rəşad Cavadov olub.
Şəxslərdən 1 ədəd ov silahı və xeyli sayda ovlanmış quş maddi sübut kimi götürülüb.
Faktla bağlı həmin şəxslər barəsində protokollar tərtib edilib və ümumilikdə 7000 manat cərimə tətbiq olunub.
