Bu gün qəhrəman şəhidimiz Elvin Şükürlünün doğum günüdür.
Azərbaycan Silahlı Qüvvələrinin leytenantı olan Elvin Şükürlü 14 iyun 1997-ci ildə Cəlilabad rayonunda anadan olub. 2011-2014-cü illərdə Cəmşid Naxçıvanskı adına Hərbi Liseydə, 2014-2018-ci illərdə isə Heydər Əliyev adına Azərbaycan Ali Hərbi Məktəbində təhsil alıb. Məzun olduqdan sonra 2020-ci il 28 sentyabra qədər Daşkəsəndə N saylı hərbi hissədə tağım komandiri kimi xidmət edib.
Vətən müharibəsi zamanı Murovdağ uğrunda gedən döyüşlərdə itkin düşüb. Elvin Şükürlü 2021-ci il yanvar ayının 22-də II Şəhidlər Xiyabanında dəfn olunub.
Ölümündən sonra "Vətən uğrunda", "Kəlbəcərin azad olunmasına görə" medalları və "Azərbaycan bayrağı" ordeni ilə təltif edilib.
