Cəlilabad rayonunun Dostallı kəndində içməli su problemi sakinlərin narazılığına səbəb olur.
Cenublu.az xəbər verir ki, kənddə nə su xətti çəkilib, nə də alternativ təminat tədbirləri görülüb.
Sakinlərin sözlərinə görə, kənddə içməli suyu ya uzaq məsafələrdən daşımalı olurlar, ya da şəxsi vəsait hesabına pulla almağa məcbur qalırlar. Bu isə xüsusilə aztəminatlı ailələrin vəziyyətini daha da çətinləşdirir.
“Yayda susuzluq daha da dözülməz olur. Çənlərə su alırıq, onu da günlərlə bölüb istifadə etməyə məcburuq. Biz artıq bu problemlə yaşamaq istəmirik,” – deyə kənd sakini bildirib.
Sakinlər məsələ ilə bağlı “Azərsu” ASC və Cəlilabad Rayon İcra Hakimiyyətindən təcili tədbir görülməsini xahiş edirlər.
