Bir müddət əvvəl üzüm istehsalında ölkənin aparıcı bölgələrindən biri olan Cəlilabadda hazırda üzüm sahələrinin sürətlə azalması müşahidə olunur.
Cenublu.az xəbər verir ki, son günlər rayonun Alar kəndi ətrafında yerləşən geniş üzüm sahələri tədricən ləğv edilməyə başlanıb.
Məlumatlara görə, fermerlərin bu addımı atmasının başlıca səbəbi üzümçülüyün rentabelliyinin kəskin aşağı düşməsidir. Üzüm satışından əldə olunan gəlir artıq çəkilən xərcləri ödəmədiyi üçün təsərrüfatlar zərərlə işləyir. Bölgədə emal müəssisələrinin olmaması və ya fəaliyyət göstərməməsi vəziyyəti bir qədər də çətinləşdirir.
Daxili bazarda satış imkanlarının məhdudluğu isə fermerləri son çarə kimi üzüm bağlarını ləğv etməyə məcbur edir.
