Cəlilabadda 37 yaşlı Bəhruz Hüseynovun qətli ilə bağlı bəzi detallar məlum olub.
Apa.az xəbər verir ki, B.Hüseynovun həyat yoldaşı Fəridə Hüseynova bildirib ki, yoldaşı axşam saatlarında işdən evə qayıtdıqdan sonra qonşu otaqdan gələn səsləri eşidib. Evdə bacısı və onun qıznın da olması səbəbilə əvvəlcə bundan şübhələnməyib. Lakin otağın qapısını açdıqda orada bacısı ilə birlikdə yad bir şəxsi, Göytəpə şəhər sakini, 19 yaşlı Orxan Əkbərovu görüb.
Aralarında yaranan mübahisə zamanı Orxan Əkbərov cibindən çıxardığı bıçaqla Bəhruz Hüseynovun ürək nahiyəsinə zərbə endirib. İkinci zərbənin qarşısını həyat yoldaşı ala bilib. Hadisədən sonra O. Əkbərov qaçaraq gizlənib.
Ağır yaralanan B. Hüseynov dərhal Cəlilabad Rayon Mərkəzi Xəstəxanasına çatdırılıb, lakin həkimlərin səylərinə baxmayaraq, onun həyatını xilas etmək mümkün olmayıb.
Cinayəti törətməkdə şübhəli bilinən Orxan Əkbərov saxlanılıb. Faktla bağlı araşdırma davam edir.
Qeyd edək ki, avtomobil ustası olan Bəhruz Hüseynovun iki övladı var. O, doğulduğu rayonda dəfn edilib.
View this post on Instagram
09:11
Cəlilabad sakini, 37 yaşlı Bəhruz Hüseynovu qətlə yetirməkdə şübhəli bilinən şəxs tutulub.
Cenublu.az xəbər verir ki, həmin cinayət əməlini törətməkdə şübhəli bilinən 19 yaşlı Orxan Əkbərov polis əməkdaşları tərəfindən keçirilən tədbirlərlə saxlanılıb.
Qeyd edək ki, hadisə ötən gün Cəlilabad şəhərinin Səttərxan küçəsində qeydə alınıb.
Araşdırma aparılır.
23:17
Cəlilabadda şəhər sakini olan 37 yaşlı Bəhruz Hüseynov ürəyindən vurulan bıçaq zərbəsi ilə qətlə yetirilib.
Cenublu.az xəbər verir ki, hadisə axşam saatlarında rayonun Kirovka deyilən ərazisində qeydə alınıb. Bəhruz Hüseynov yaşadıgı ünvanda, evinin giriş qapısında bıcaqlanıb. Yaralı dərhal Cəlilabad Rayon Mərkəzi xəstəxanasına hospitalizasiya olunub. Həkimlərin səylərinə baxmayaraq onun həyatını xilas etmək mümkün olmayıb.
Qeyd edək ki, qətlə yetirilən B.Hüseynov maşın təmiri ilə məşğul idi.
Hazırda baş verən hadisə ilə bağlı hüquq-mühafizə orqanları tərəfindən araşdırmalar aparılır.
