Cəlilabadda sahibsiz it 14 yaşlı yeniyetməyə hücum edərək qolunu dişləyib.
Cenublu.az xəbər verir ki, hadisə Ə.Amanov adlı məktəblinin dərsdən evə qayıtdığı zaman, körpüdən keçərkən baş verib. Arxadan hücum edən küçə iti onun qolunu dişləyib. Ətrafdakı şəxslərin müdaxiləsi ilə it uşağın yanından uzaqlaşdırılıb və o, dərhal Cəlilabad Rayon Mərkəzi Xəstəxanasına çatdırılıb.
Yeniyetməyə quduzluq əleyhinə vaksin vurulub və ilkin tibbi yardım göstərilib.
Zərərçəkənin atası bildirib ki, hadisənin baş verdiyi ərazidə sahibsiz itlərin sayı artıb və bu, tez-tez təhlükəli vəziyyətlərə səbəb olur. Onun sözlərinə görə, problemin aradan qaldırılması üçün heç bir tədbir görülmür.
Qeyd edək ki, son günlər Cəlilabad rayonunda daha iki it dişləməsi faktı qeydə alınıb.
