Cəlilabadda fəaliyyət göstərən “Karvan” marketdə normativ tələblər pozulub.
Azərbaycan Qida Təhlükəsizliyi Agentliyindən (AQTA) Cenublu.az-a verilən məlumata görə Cəlilabad rayonu, Alar kəndində fəaliyyət göstərən sahibkar Qiyasov Tahir Bayram oğluna məxsus “Karvan” marketdə yoxlama zamanı normativ hüquqi aktların tələblərinin pozulduğu müəyyən olunub.
Belə ki, marketdə istifadə müddəti bitmiş müxtəlif əmtəə nişanlı qida məhsulları və alkoqolsuz içki aşkarlanıb.
Faktla bağlı qanunvericiliyə uyğun müvafiq tədbirlər görülərək sahibkar barəsində inzibati protokol tərtib olunub, istehlaka yararsız məhsullar məhv edilib.
