Cəlilabad şəhəri, Cavadxan küçəsində fəaliyyət göstərən, Pərviz Kərimova məxsus marketdə normativ hüquqi aktların tələblərinin pozulduğu məlum olub.
Cenublu.az Qida Təhlükəsizliyi Agentliyinə istinadən xəbər verir ki, əməkdaşları tərəfindən keçirilmiş yoxlama zamanı marketdə mal qonşuluğu prinsipinin pozulduğu, un məmulatlarının açıq şəkildə satışının həyata keçirildiyi müəyyən olunub. Eyni zamanda yararlılıq müddəti bitmiş alkoqolsuz içki, kolbasa və digər qida məhsulları aşkarlanıb.
Faktla bağlı qanunvericiliyin tələblərinə uyğun müvafiq tədbirlər görülərək sahibkar barəsində inzibati protokol tərtib edilib. İstehlaka yararsız məhsullar məhv edilib.
