Cəlilabad rayonunun Muğan kəndində - Mustafayevlər ailəsinin təsərrüfatında aşmaq üzrə olan elektrik dirəyi təhlükə saçır.
Xezerxeber.az xəbər verir ki, bu baxımsız vəziyyətin olduğu yer uzaqdan da diqqəti cəlb edir.
Ev sahibi Sübhi Mustafayev deyir ki, illərdir həyətlərinin mərkəzində basdırılmış 350 voltluq elektrik dirəyi istifadə müddətini başa vurduğu üçün aşmaq üzrədir. Dəfələrlə müraciət etməsinə baxmayaraq, dirəyi və naqilləri dəyişdirmək mümkün olmayıb.
Problemlə bağlı "Azərişıq" ASC-dən bildirdilər ki, vətəndaşın şikayətçi olduğu transformator və elektrik dirəyi sözügedən ünvanda sovetlər dönəmində quraşdırılıb. Transformatorun və dirəyin yerini dəyişdirmək istəyən vətəndaş "ASAN xidmət"ə müraciət edib, prosesi öz vəsaiti hesabına həyata keçirməlidir.
