Cəlilabadda sürücünün qarşısına çıxan at yol-nəqliyyat hadisəsinə səbəb olub.
Cenublu.az xəbər verir ki, hadisə köhnə Ələt–Astara magistralında qeydə alınıb. Məlumata görə, sahədən yola çıxan at Cəlilabad rayonunun Maşlıq kənd sakini, 1978-ci il təvəllüdlü Anar Maşallah oğlu Bədəlovun idarə etdiyi “VAZ-2107” markalı avtomobilə çırpılıb.
Zərbənin təsirindən nəqliyyat vasitəsi idarəetməni itirərək Yasin Yusif oğlu Nəsirovun idarə etdiyi ağır tonnajlı avtomobilə dəyib.
Qəza nəticəsində at hadisə yerində tələf olub, sürücü A.Bədəlov müxtəlif dərəcəli bədən xəsarətləri alıb.
Hadisə ilə bağlı araşdırma aparılır.
