Cəlilabadda 7840 il əvvələ aid qədim silah və əmək alətləri aşkarlanıb.
Cenublu.az xəbər verir ki, aşkar edilən tapıntılar Azərbaycan ərazisində ilk əkinçi tayfaların həyat tərzini və mədəni inkişafını əks etdirir.
Qədim əmək alətləri, təsərrüfat küpləri və ibadət yerləri... Bütün bunlar Cəlilabadın Cəfərxanlı kəndi ərazisində yerləşən Paşatəpə qədim yaşayış məskənində aparılan arxeoloji qazıntılar zamanı üzə çıxıb. Tapıntılar arasında unikallığı ilə seçilən nümunələr də var.
Ərazidə dulusçuluq məmulatları ilə yanaşı, iri təsərrüfat küplərinin də tapılması burada uzun müddət oturaq həyat tərzi sürüldüyünü göstərir. Bu il aşkar edilən və sayca ikinci hesab olunan mərmər əşya isə qədim tayfaların digər coğrafi bölgələrlə mübadilə əlaqələri qurduğunu sübut edir.
Qədim yaşayış məskənində müxtəlif əmək alətləri ilə yanaşı, insan məzarları da aşkarlanıb. Artıq 4 ildir ki, mövsümi şəkildə davam edən qazıntılar nəticəsində tapılmış kömür və keramika nümunələrinin 7840 il yaşı olduğu laborator analizlərlə təsdiqlənib.
