Cəlilabad rayonunun Göytəpə şəhərində qeyri-adi hadisə baş verib.
Cenublu.az xəbər verir ki, sakinlərin sözlərinə görə, şəhərdə Böyük Vətən müharibəsində faşizm üzərində qələbəyə həsr olunmuş xatirə abidəsinin yerləşdiyi ərazi dolayı sənədlər əsasında Almaniyada yaşayan X. adlı şəxsə satılıb.
Bildirilir ki, həmin əraziyə dəmir hasar çəkilib. Lakin yerli sakinlər bu vəziyyətə biganə qalmayıb və abidəni öz vəsaitləri hesabına yenidən bərpa ediblər.
Hazırda abidənin ətrafındakı hasarın sökülməsi üçün imzatoplama kampaniyası aparılır və məsələ ilə bağlı aidiyyəti qurumlara müraciət hazırlanır. Sakinlərin əsas tələbi abidənin əvvəlki ictimai vəziyyətinə qaytarılmasıdır.
