Bu gün, 27 yul tarixində tibb elmləri üzrə fəlsəfə doktoru, Lənkəran Medikal Hospital-ın fizioterapiya şöbəsinin müdiri Yaqub Rəfiyevin yubileyidir. Onun 75 yaşı tamam olur.
Yaqub Rəfiyev 27 iyul 1947-ci ildə Lerik rayonunun Çayrud kəndində anadan olub. Çayrud kənd orta məktəbini əla qiymətlərlə başa vurduqdan sonra Azərbaycan Dövlət Tibb Universitetinə daxil olub. Ali məktəbi bitirdikdən sonra universitetdə assistent, baş müəllim və dosent vəzifələrində çalışıb. Qəbul komissiyasının nəzdində yaradılmış "Gənc təbib"-in direktoru, sonralar Qəbul komissiyasında fakültənin məsul katibi işləyib. Özəl sektorda kompüter diaqnostikası üzrə mütəxəssis olan doktor Rəfiyev respublikanın demək olar ki, bütün bölgələrində Səhiyyə Nazirliyinin lisenziyası əsasında fizioterapiya, refleksoterapiya sahələrində işləyib. "Meşəbəyi" Sanator-Kurort və İstirahət müəssisəsinin baş həkimi olub. Hal-hazırda Lənkəran Medikal Hospital özəl tibb müəssisəsinin fizioterapiya şöbəsinin müdiridir.
Doktor Yaqub Rəfiyev xeyirxahlığı ilə seçilən həkimlərdəndir. Onun otağının girişində belə bi yazıya rast gəlmək olar: “Heç bir maddi imkanı olmayan xəstələr mənə müraciət edə bilər”.
Mənbə: cənub bölgəsinin ziyalıları
