Bu gün Lənkəran Dövlət Dram Teatrının aktyoru Sucəddin Mirzəyevin doğum günüdür.
Sucəddin Mirzəyev 1956-cı ildə iyunun 9-u Masallı rayonunun İkinci Yeddioymaq kəndində anadan olub. 1973-1977-ci illərdə Mirzağa Əliyev adına Azərbaycan Dövlət İncəsənət İnstitutunun dram və kino aktyorluğu fakültəsində təhsil alıb. 1977-ci ildən Lənkəran Dövlət Dram Teatrının aktyorudur.
Ötən müddət ərzində S.Mirzəyev teatrda tamaşaya qoyulmuş milli klassiklərimizin, çağdaş dramaturqlarımızın, eləcə də rus və xarici ölkə müəlliflərinin 100-ə yaxın səhnə əsərində maraqlı və yaddaqalan obrazlar yaradıb. Aktyor, həmçinin bir sıra bədii televiziya filmlərinə və seriallara çəkilib.
Milli teatr sənətinin inkişafındakı xidmətlərinə görə Sucəddin Mirzəyev 25 iyun 2013-cü ildə Azərbaycan Respublikasının Əməkdar artisti fəxri adına layiq görülüb. O, eləcə də bir neçə dəfə Azərbaycan Respublikası Prezidentinin mükafatçısı olub.
