Biləsuvar rayonunun Çinarlı kəndində sakinlər elektrik naqillərinin yaratdığı təhlükədən narahatdırlar.
Cenublu.az-ın məlumatına görə, kənddə yüksək gərginlikli naqillərin alçaqdan çəkilməsi nəticəsində dəfələrlə xoşagəlməz hallar baş verib, bəzən isə faciənin bir addımlığından dönülüb. Sakinlərin sözlərinə görə, həmin ərazidən keçən mal-qaranı elektrik cərəyanı vurub və heyvanlar tələf olub.
Kənd camaatı bildirir ki, məsələ ilə bağlı dəfələrlə aidiyyəti qurumlara müraciət ediblər. Lakin indiyədək problemin həlli istiqamətində heç bir addım atılmayıb.
Sakinlər elektrik xətlərinin müəyyən edilmiş standartlarına uyğunlaşdırılmasını, bununla da özlərinə və mal-qaralarına həyati təhlükənin aradan qaldırılmasını tələb edirlər.
