Biləsuvar rayon Günəşli kənd orta məktəbinin keçmiş direktor müavini Alim Həmidli onu işdən çıxaran direktor Nərmin Nəbiyevanı məhkəməyə verib.
Musavat.com xəbər verir ki, işdən çıxarılan Alim Həmidli mətbuata direktorun qanunsuz fəaliyyətlə məşğul olduğunu, işçiləri əsassız şəkildə işdən çıxarması barədə açıqlama verib.
Direktor Alim Həmidlinin mətbuata verdiyi müsahibəsinə cavab olaraq deyib ki, Alim Həmidlinin kollektivlə problemi olub: “Sizə deyə bilmərəm. Rayon ictimaiyyətinin bildiyi problemləri, uyğun olmayan məsələlər var idi. Belə şəxslə çalışmaq istəmirdim. Müqavilə bitəndə xitam verdim. İstənilən şəxsdən soruşa bilərsiniz. Əmək Müfəttişliyi Xidmətinin məni cərimə etməsi məsələsinə gəlincə isə bu, həmin şəxslərlə mənim aramda olan məsələdir, bunun Alim Həmidli ilə heç bir əlaqəsi yoxdur. Kollektiv onu istəmirdi”.
Məhkəmə isə Həmidlinin şikayətini qəbul etməyib, çünki konkret cinayət tərkibi və vurulan zərər göstərilməyib.
Qeyd edək ki, direktor xitam prosedurunu pozduğu üçün 700 manat, həmçinin iki xadiməni əsassız işdən çıxardığı üçün də əlavə cərimə olunub.
