Baş prokuror Kamran Əliyev Lənkəranda vətəndaşları dinləyəcək.
Cenublu.az xəbər verir ki, qəbul iyunun 3-də, saat 10:00-da Lənkəran rayon prokurorluğunun inzibati binasında keçiriləcək. Burada Lənkəran, Astara və Lerik rayon sakinlərinin müraciətləri dinləniləcək.
Qəbulla bağlı qeydiyyat və Lənkəran rayonuna gəlmələrinin təşkili rayon prokurorları tərəfindən həyata keçiriləcək.
Vətəndaşlar yaşadıqları ərazi üzrə rayon (şəhər) prokurorluqlarına yazılı və ya şifahi müraciət etməklə yanaşı, Baş Prokurorluğun Sənədlərlə və müraciətlərlə işin təşkili idarəsinin (012) 361-14-07 nömrəli telefonu, [email protected] elektron poçt ünvanı, həmçinin prokurorluğun sosial şəbəkələrdəki səhifələri vasitəsilə də qəbula yazıla bilərlər.
