"Bakı-Ələt-Osmanlı-Astara istiqamətində işlərin 2028-ci ildə başa çatdırılması düşünülür".
Trend.аz xəbər verir ki, bu fikirləri "Azərbaycan Dəmir Yolları" QSC-nin mətbuat katibi Bəxtiyar Hacıyev deyib.
O qeyd edib ki, Bakı-Ələt-Osmanlı-Astara və Sumqayıt-Yalama dəmir yolu xəttində hazırda təmir işləri aparılır:
“Sumqayıt - Yalama istiqamətində işlərin bu ilin sonunadək bitəcəyi planlaşdırılır”.
Qurum rəsmisi vurğulayıb ki, bunlar şimal-cənub istiqaməti üzrə əsas yükdaşıma xətlərdir.
“Növbəti mərhələdə həmin istiqamətlərdə sərnişindaşımaya da baxılacaq. Hazırda bu xətlərin infrastrukturu sərnişindaşımaya imkan vermir. Çünki sərnişin daşınan zaman ilk növbədə onların təhlükəsizliyi məsələsi prioritet olur”, - deyə o əlavə edib.
