Lənkəran rayonunda bağçılıq və meyvəçiliklə məşğul olan fermerlərə ödənişsiz məsləhət xidməti göstərilib. Bu haqda məlumat bu gün, 14 yanvar tarixində Lənkəran KOB İnkişaf Mərkəzinin rəsmi Facebook səhifəsində paylaşılıb.
Rayonun İstisu və Havzova kəndlərində fəaliyyət göstərən fermerlər Lənkəran KOBİM-ə müraciət edərək təsərrüfatları ilə bağlı məsləhət xidmətinə ehtiyacları olduğunu bildiriblər. Mərkəzin ekspertləri tərəfindən təsərrüfatlara baxış keçirilib.
Torpağın münbətləşməsi ilə bağlı mütəxəssislər fermerlərə düzgün qida əlavələrinin istifadəsi üçün lazım olan tədbirlərin görülməsi, zərərverici həşaratların aradan qaldırılması üçün düzgün dərman preparatlarının istifadəsi haqqında geniş məlumatlar verilib.
Əgər sizdə təsərrüfatınızla bağlı suallarınız varsa Lənkəran KOB İnkişaf Mərkəzi ilə əlaqə saxlaya bilərsiniz: 077 271 25 00
Mərkəz tərəfindən göstərilən xidmətlər ödənişsizdir.
