Astaranın Kijəbə qəsəbəsinin ucqar məhəllələrində elektrik xətləri ağac budaqlarına bərkidilib.
Cenublu.az-ın verdiyi xəbərə görə, Astara rayonu, Kijəbə qəsəbəsinin ucqar məhəllələrində elektrik dirəklərinin az olması sakinlərin həyatını çətinləşdirib. Məlumata görə, bir çox evə çəkilən elektrik xətləri standart dirəklər əvəzinə nazik ağac budaqlarına bərkidilib.
Sakinlər bildirirlər ki, bu vəziyyət həm təhlükəlidir, həm də elektrik təchizatında fasilələr yaradır. Onlar aidiyyəti qurumlardan əraziyə elektrik dirəklərinin quraşdırılmasını və evlərinə normal elektrik xəttinin çəkilməsini istəyirlər.
View this post on Instagram
