Bu gün Astaradan olan şəhidimiz Kənan Hacıyevin anadan olduğu gündür.
Kənan İmran oğlu Hacıyev 2001-ci il noyabrın 17-də Astara rayonunun Motalayataq kənd inzibati ərazi dairəsi olan Anbuba kəndində anadan olub.
Azərbaycan Silahlı Qüvvələrinin əsgəri olan Kənan Hacıyev Vətən müharibəsi zamanı Füzuli və Xocavəndin azadlığı uğrunda gedən döyüşlərdə iştirak edib.
Kənan Hacıyev 2020-ci il oktyabrın 6-da Füzuli döyüşləri zamanı şəhid olub. Nəşi uzun müddət tapılmayıb. Noyabrın 9-da Kənan Hacıyevin şəhid olma xəbəri təsdiqlənib. Astara rayonunun Anbuba kəndində torpağa tapşırılıb.
Ölümündən sonra "Vətən uğrunda", "Cəsur döyüşçü", "Füzulinin azad olunmasına görə", "Xocavəndin azad olunmasına görə" medalları və III dərəcəli “Vətənə xidmətə görə” ordeni ilə təltif edilib.
