Bu gün şəhid Məhəmməd Cavanşir oğlu Babazadənin doğum günüdür.
Məhəmməd Babazadə 1995-ci ildə mayın 5-i Astara rayonunun Marzəsə kəndində anadan olub. 2013-2015-ci illərdə Azərbaycan Silahlı Qüvvələrinin sıralarında müddətli həqiqi hərbi xidmətdə olub. 2016-cı ildən isə müddətdən artıq həqiqi hərbi xidmət qulluqçusu idi.
Azərbaycan Ordusunun kiçik çavuşu olan Məhəmməd Babazadə Vətən müharibəsi zamanı Füzulinin azadlığı uğrunda gedən döyüşlərdə savaşıb. O, 28 sentyabrda Füzuli döyüşləri zamanı şəhid olub. Astara rayonunun Marzəsə kəndində torpağa tapşırılıb.
Ölümündən sonra "Vətən uğrunda", "Döyüşdə fərqlənməyə görə", "Füzulinin azad olunmasına görə" və "İgidliyə görə" medalları ilə təltif olunub.
