Bu gün Astaradan olan şəhidimiz Cəmil Qurbanzadənin anadan olduğu gündür.
Cəmil Anar oğlu Qurbanzadə 2003-cü il aprelin 27-də Astara şəhərində anadan olub.
Astara şəhər 2 saylı tam orta məktəbi bitirdikdən sonra 2020-ci ildə Azərbaycan Dövlət İdman Akademiyasının qiyabi şöbəsinə daxil olub. 2021-ci ilin aprel ayında hərbi xidmətə yola düşüb.
Cəmil Qurbanzadənin tərxis olmasına 18 gün qalmışdı. Ailədə 2 bacının tək qardaşı olub. Subay idi. O, 2022-ci il sentyabrın 13-də Azərbaycan Ordusunun həyata keçirdiyi Azərbaycan–Ermənistan sərhəd toqquşması zamanı şəhid olub. Onun nəşi 3 gün sonra Astara şəhər qəbiristanlığında dəfn edilib.
Şəhidimiz ölümündən sonra 3-cü dərəcəli "Vətənə xidmətə görə" ordeni və "Vətən uğrunda" medalı ilə təltif edilib.
