Astarada məktəb yaxınlığında yanğın olub.
Cenublu.az xəbər verir ki, 1 saylı məktəbin idman sahəsi ətrafında quru otların naməlum şəraitdə yanması təhlükəli vəziyyət yaradıb. Alov məktəb binasına və yaxınlıqda yerləşən yüksək gərginlikli elektrik blokuna doğru yayılıb.
Dərhal əraziyə yanğından mühafizə hissəsinin texnikası və canlı qüvvəsi cəlb olunub. Görülən tədbirlər nəticəsində qısa müddətdə yanğın lokallaşdırılıb. Yanğın ocağına yaxın ərazidə olan şəxslər təhlükəsiz məsafəyə uzaqlaşdırılıb. Yanğın söndürülüb.
Hazırda yanğının baş vermə səbəbi araşdırılır.
