Astara şəhidi Nurlan Rəhimovun oğlu, 1 saylı məktəbin 6-cı sinif şagirdi Əlövsət Rəhimlinin doğum günü təhsil aldığı məktəbdə qeyd edilib. Bu haqda məlumatı Cenublu.az bu gün, 2 may tarixində “Bizim Astara”ya istinadən verir.
Məktəbin kollektivi və Əlövsətin sinif yoldaşları onu səhər sürpriz hədiyyələrlə qarşılayıb, təbrik ediblər.
Xatırladaq ki, şəhid Nurlan Əlövsət oğlu Rəhimov 1981-ci ildə Astara şəhərində anadan olub. O, Vətən müharibəsi zamanı Füzulinin azadlığı uğrunda gedən döyüşlərdə savaşıb. 30 sentyabr 2020-ci ildə Xocavənd rayonunun Üçtəpə adlanan ərazisində şəhid olub.
N.Rəhimov ölümündən sonra “Vətən uğrunda” və “Xocavəndin azad olunmasına görə” medalları ilə təltif olunub.
[caption id="attachment_58706" align="alignnone" width="336"]
Foto Bizim Astara[/caption]
