Astarada yol hərəkəti qaydasını pozan sürücü polis tərəfindən saxlanılıb.
DİN-in Mətbuat Xidmətinin Lənkəran regional qrupundan Cenublu.az-a verilən məlumata görə, Astara Rayon Polis Şöbəsinin əməkdaşları “Vaz 21154” markalı avtomobilin sürücüsü Vurğun Əlizadəni qayda pozuntusuna görə dayandırıblar. Sənədlər yoxlanılarkən sürücülük hüququ olmayan şəxsin davranışları şübhə doğurub və o, tibbi müayinəyə göndərilib. Müayinə nəticəsində V. Əlizadənin psixotrop maddə qəbul etdiyi müəyyən edilib.
Faktla bağlı sürücü barəsində inzibati protokol tərtib olunaraq məhkəməyə göndərilib. Məhkəmənin qərarı ilə Vurğun Əlizadə 30 gün müddətinə inzibati qaydada həbs edilib.
