Ağacda budama işi aparan Astara sakini bədbəxt hadisə nəticəsində həyatını itirib.
Cenublu.az xəbər verir ki, hadisə rayonun Ovala kəndində baş verib. Ağ Körpü kənd sakini, 55 yaşlı Surxay Abdullayev ağac budamaq üçün qonşu Ovala kəndinə gedib. Təxminən 40 metr hündürlüyü olan ağacın 30-35 metrliyində budama işləri apararkən yıxılıb. S. Abdullayev aldığı xəsarətlərdən hadisə yerində ölüb.
Əraziyə aidiyyəti qurumların nümayəndələri cəlb olunub. Meyit daxili və xarici müayinə üçün Məhkəmə-Tibbi Ekspertiza və Patoloji Anatomiya Birliyinin Lənkəran rayonlararası zona mərkəzinə təhvil verilib.
Qeyd edək ki, S. Abdullayev günəmuzd fəhlə kimi çalışırdı.
Faktla bağlı araşdırma aparılır.
