Astara rayonu, Şümrüd kənd tam orta məktəbinin şəraiti sakinləri qane etmir. Bununla bağlı onlar bu gün, 6 avqust tarixində Cenublu.az-a müraciət ediblər.
Belə ki, Birinci Qarabağ müharibəsi şəhidi Həzi Şirxan oğlu Sovqatovun adını daşıyan məktəb binası təxminən 70 il öncə tikilib. “Məktəbin binası uçmaq üzrədir, bünovrəsində çatlar əmələ gəlib. Sinif otaqları şəraitsizdir. Sanitar qovşaq acıqanacaqlı vəziyyətdədir. Ən əsası isə isitmə sistemi yoxdur. Uşaqlarımız qışda sinifdə üst qeyimlə oturub birtəhər dərs keçirlər. İllərdir ki, yeni məktəb binasının tikilməsini gözləyirik”, - deyə valideynlər söyləyiblər.
Qeyd edək ki, Pəlikəş inzibati ərazi dairəsi nümayəndəliyinin əhali və ərazisinə görə ikinci böyük kəndi olan Şümrüd rayon mərkəzindən 35 km aralıqda, ucqar dağlıq ərazidə yerləşir. 2013-cü ildə kəndin 900 nəfərə yaxın əhalisi var idi.
[caption id="attachment_21111" align="alignnone" width="336"]
Şümrüd kənd tam orta məktəb[/caption]
