Astara rayon sakini dostu tərəfindən aldadıldığını iddia edir. Bu haqda məlumatı Cenublu.az Xəzər TV-yə istinadən verir.
Toradi kənd sakini Zaur Sovqatov 2018-ci ildə ünvanlı sosial yardım almaq üçün yaxın dostundan kömək istəyib. Dostu Rövşən Hüseynova səlahiyyətli nümayəndə qismində etibarnamə verən Zaur aylar sonra aldadıldığını anlayıb.
Rövşən Zaurun adına 5 şirkət açaraq vergi borclarını ödəməyib. Borcun necə yarandığını soruşan Zaur, yaxın günlərdə problemin həll olunacağı cavabını alıb. Lakin bir müddət sonra dostu ilə əlaqə qura bilməyib.
Başına gələn hadisə ilə bağlı Zaur Sovqatov hüquq-mühafizə orqanlarına və digər dövlət qurumlarına müraciət edərək, problemin araşdırılacağına və həll ediləcəyinə ümid edir.
