14 Yanvar iki astaralı şəhidimiz - Kamran Qılman oğlu Fərəcov və Kamran Cəlal oğlu Seyfullazadənin doğum günləridir. Bu haqda məlumatı Cenublu.az verir.
Kamran Fərəcov 1978-ci ildə Astaranın Səncərədi kəndində dünyaya gəlib. Astara şəhər 2 saylı tam orta məktəbində təhsil alıb. Bakı Ali Birləşmiş Komandanlıq məktəbinin Taktiki Tank Qoşunları komandiri fakültəsini bitirib. 1999-cu ildə leytenant kimi məzun olan K.Fərəcov Bakıda tağım komandiri kimi xidmətə başlayıb. Ağdamda, Gəncədə, Goranboyda, cəbhə bölgəsində xidmət edib. Azərbaycan Ordusunun 100 illik yubiley medalı ilə təltif olunub. Mayor rütbəsinə kimi yüksəlib. 20 oktyabr Qubadlı uğrunda gedən döyüşlərdə şəhidlik zirvəsinə ucalıb. Ölümündən sonra "Vətən uğrunda", "Cəbrayılın azad olunmasına görə", "Qubadlının azad olunmasına görə" medalları ilə təltif edilib.
Kamran Cəlal oğlu Seyfullazadə 1999-cu ildə Astarada doğulub. Orta təhsilini F.Əlyarov adına 6 nömrəli məktəbdə alıb. Vətən müharibəsində xüsusi təyinatlıların könüllüsü olub. 5 noyabr Şuşa uğrunda gedən döyüşlərdə şəhid olub. Ölümündən sonra K.Seyfullazadə "Cəbrayılın azad olunmasına görə", "Füzulinin azad olunmasına görə", "Xocavəndin azad olunmasına görə" medalları ilə təltif olunub.
