Bu gün, astaralı şəhidimiz Samir Mətləb oğlu Səmədovun doğum günüdür. Yaşasaydı 20 yaşı tamam olacaqdı.
Samir Səmədov 18 yanvar 2002-ci ildə Astaranın Pensər kəndində anadan olub. Astara rayonu Z.Ə.Əhmədzadə adına 2 saylı tam orta məktəbi bitirib. 2020-ci ildə həqiqi hərbi xidmətə yola düşüb.
Vətən müharibəsi zamanı Səmədov, Talış kəndi və Ağdərə rayonu istiqamətində gedən döyüşlərdə iştirak edib. 10 oktyabrdan etibarən itkin düşüb. 18 noyabrda onun nəşi tapılır və 20 noyabr tarixində boya-başa çatdığı Astara rayonunun Pensər kəndində torpağa tapşırılır.
Ölümündən sonra "Vətən uğrunda" medalı ilə təltif edilib.
