Astara rayon Heydər Əliyev Mərkəzində 20 Yanvar faciəsinin 32-ci ildönümünə həsr olunmuş "20 Yanvar Azərbaycan xalqının azadlıq mübarizəsinin və qəhrəmanlıq salnaməsinin parlaq səhifəsidir" mövzusunda tədbir keçirilib. Bu haqda məlumatı bu gün, 18 yanvar tarixində Astara Heydər Əliyev Mərkəzinin rəsmi Facebook səhifəsi verib.
Tədbir şəhidlərimizin əziz xatirəsini bir dəqiqəlik sükutla yad etməklə başlayıb. Daha sonra çıxış edənlər 1990-cı il yanvarın 20-də baş vermiş qanlı hadisədən ətraflı danışıblar.
Sonda "Qəhrəmanlıq tariximizin 20 Yanvar səhifəsi" adlı film nümayiş olunub.
Qeyd edək ki, tədbir Ombudsmanın Cəlilabad Regional Mərkəzinin, Astara rayon Heydər Əliyev Mərkəzinin, Gənclərin İnkşaf və Karyera Mərkəzinin Astara nümayəndəliyinin, Astara rayon Ərçivan qəsəbə 4 saylı tam orta məktəbinin və Astara şəhər R.Camalov adına 7 saylı tam orta məktəbinin birgə təşkilatçılığı ilə təşkil olunub.
