Ekologiya və Təbii Sərvətlər naziri və Baş nazirin muavini Viləşçay Su Anbarına baxış keçiriblər. Bu haqda məlumat bu gün, 20 yanvar tarixində Masallı rayon İcra Hakimiyyətinin rəsmi Facebook səhifəsində paylaşılıb.
Astara şəhərinə səfər etmiş nazir və Baş nazirin müavini ilə yanaşı kənd təsərrüfatı naziri İnam Kərimov, "Azərbaycan Meliorasiya və Su Təsərrüfatı" Açıq Səhmdar Cəmiyyətinin sədri Zaur Mikayılov, Masallı Rayon İcra Hakimiyyətinin başçısı Şahin Məmmədov daha öncə Heydər Əliyevin Masallı şəhərində yerləşən abidəsini ziyarət edib, önünə tər gül dəstələri düzüblər. Sonra qonaqlar Qəhrəmanlar parkında, şəhidlərin xatirəsinə inşa edilmiş "Şəhidlər abidə-kompleksi"ni ziyarət ediblər.
Masallı rayonunda aqrar sahənin inkişafında mühüm rol oynayan Viləşçay Su Anbarının rəisi nazirlərə suvarma kanallarının sxemi, Viləşçay üzərində dəryaçanın tikintisinin əsas göstəriciləri, bəndin baş planı və digər qurğular barədə ətraflı məlumat verib.
Qeyd edək ki, Viləşçay Su Anbarı 10.000 hektara yaxın əkin sahələrini suvarma suyu ilə təmin edir. Bundan ötrü idarənin balansında ümumi həcmi 46 milyon kub metr olan su anbarı, kəndlərdə kiçik su tutarı istillər, ümumi uzunluğu 438 kilometrdən çox olan açıq suvarma kanalları, 169 ədəd müxtəlif növ hidrotexniki qurğular, 40 kilometr uzunluğunda, 1200 millimetr diametrdə yeraltı boru kəmərləri, 5360 hektar sahədə qapalı suvarma şəbəkəsi vardır.
Sonda qonaqlar işçi qrupu ilə iclas keçirib. İclasda Viləşçay su bəndinin ikinci hissəsinin qurulması barədə geniş fikir mübadiləsi aparılmışdır.
[caption id="attachment_9394" align="alignnone" width="300"]
Masallı rayon İcra Hakimiyyəti[/caption]
