Qida Təhlükəsizliyi Agentliyinin əməkdaşları Masallı rayonunun Ərkivan qəsəbəsində yerləşən “Qala” marketində monitorinq keçiriblər. Bu haqda məlumatı Cenublu.az bu gün, 30 aprel tarixində verir.
Yoxlama zamanı marketdə yararlılıq müddəti bitmiş, həmçinin mənşəyi məlum olmayan və etiket məlumatlarında uyğunsuzluqlar olan müxtəlif növ qida məhsullarının satışının həyata keçirildiyi aşkar edilib. Əlavə olaraq, işçi heyətin tibbi müayinədən keçmədiyi, gigiyenik təlimlərə cəlb olunmadığı və fərdi qoruyucu vasitələrlə təmin edilmədiyi müəyyən olunub.
Faktla bağlı sahibkar barəsində protokol tərtib edilib.
