Azərbaycan Qida Təhlükəsizliyi Agentliyinin (AQTA) əməkdaşları tərəfindən Astara rayonunun Burzubənd kəndində fəaliyyət göstərən “Hacıoğlu” marketdə yoxlama aparılıb.
Cenublu.az xəbər verir ki, yoxlama zamanı mağazaya məxsus qida məhsullarında normativ hüquqi aktların tələblərinin pozulduğu müəyyən edilib.
Belə ki, marketdə istifadə müddəti bitmiş, ümumi çəkisi 49 kiloqram olan müxtəlif növ qida məhsulu aşkarlanıb. Eyni zamanda, satışda olan yağ məhsullarının saxlanma temperaturu qaydalara uyğun olmayıb.
Faktla bağlı sahibkar Cəmilə Əliyeva barəsində qanunvericiliyə uyğun olaraq inzibati protokol tərtib edilib. İstehlaka yararsız məhsullar isə məhv olunub.
