Masallı sakini 59 yaşında 23 illik həsrətdən sonra ilk övladını dünyaya gətirib.
Cenublu.az xəbər verir ki, 1966-cı il təvəllüdlü qadın Respublika Klinik Xəstəxanasında uğurlu əməliyyatla ana olub. Hamiləliyin 31–32-ci həftəsində qadın həkim nəzarətinə götürülüb. Müalicəyə tabe olmayan yüksək qan təzyiqi səbəbindən həkimlər erkən doğuşa qərar veriblər və pasiyent təcili keysəriyyə əməliyyatına alınıb.
Əməliyyat uğurla başa çatıb, çəkisi 1900 qram olan qız uşağı dünyaya gəlib. Körpə erkən doğulması və tənəffüs pozğunluğu sindromu səbəbindən ağır vəziyyətdə olub.
Həkimlərin səyləri nəticəsində körpəyə intensiv terapiya, antibiotik müalicəsi və respirator dəstək göstərilib. 17 günlük müalicə və müşahidədən sonra körpənin vəziyyəti stabilləşib və sağlamlığı yaxşılaşıb.
