2020-ci il sentyabrın 27-də Ermənistan silahlı qüvvələrinin cəbhəboyu genişmiqyaslı təxribat törətməsinə cavab olaraq Azərbaycan Ordusu “Dəmir yumruq” adlandırılan əks-hücum əməliyyatına başladı. 44 gün davam edən Vətən müharibəsi təxminən otuzillik işğala son qoyulması və ərazi bütövlüyümüzün bərpası ilə nəticələndi.
Cenublu.az xəbər verir ki, döyüşlərin doqquzuncu günündə, 2020-ci ilin oktyabrın 5-i müzəffər ordumuz tərəfindən Cəbrayıl rayonunun Şıxəli Ağalı, Sarıcalı, Məzrə kəndləri və müxtəlif istiqamətlərdə bir neçə strateji yüksəklik işğaldan azad edilib. Prezident İlham Əliyev bu barədə rəsmi Tviter səhifəsi vasitəsilə paylaşım edərək xalqa xəbər verib.
