5 oktyabr 2020-ci ildə Ermənistan silahlı qüvvələri Azərbaycanın ikinci böyük şəhəri olan Gəncəni ikinci dəfə raket atəşinə tutdu.
Cenublu.az xəbər verir ki, həmin gün 3 raket zərbəsi nəticəsində 3 nəfər mülki şəxs müxtəlif bədən xəsarətləri ilə xəstəxanaya yerləşdirildi.
Atılan raketlər Gəncənin Şah İsmayıl Xətai prospektində yerləşən “Grand Qafqaz” Ticarət Kompleksinə düşdü, ticarət mərkəzinə külli miqdarda ziyan dəydi. Bundan başqa, “İmamzadə” dini kompleksində də dağıntılar oldu.
Ümumilikdə Gəncə şəhərinə endirilmiş raket zərbələri nəticəsində 6-sı uşaq və yeniyetmə olmaqla 26 nəfər həlak olub, 29-u uşaq olmaqla 130-a yaxın insan müxtəlif dərəcəli bədən xəsarətləri alıb. Bu hadisələr zamanı 4 uşaq hər iki valideynini itirib.
