Lənkəran şəhər Heydər Əliyev Mərkəzi tərəfindən təşkil edilən inşa müsabiqəsinin qalibləri bəlli olub. Bu haqda məlumat mərkəzin rəsmi Facebook səhifəsində paylaşılıb.
7-10-cu siniflər arasında baş tutan müsabiqə "20 Yanvar - Şərəf və Qürur Günümüz!" adı altında keçirilib. Müsabiqənin əsas məqsədi gənclərdə tarixi yaddaşın möhkəmləndirilməsi və torpağa olan məhəbbət hissinin aşılanmasıdır.
Onlarla iştirakçının qatıldığı yarışmanın ilk üçlüyü:
1–ci yer – Lənkəran şəhər Azər Məhərrəmov adına 7 nömrəli tam orta məktəbinin 9-cu sinif şagirdi Əsədova Fatimə Ramil qızı.
2–ci yer - Lənkəran şəhər Həzi Aslanov adına 3 nömrəli tam orta məktəbinin 9-cu sinif şagirdi Xəlilzadə Mehriban Səyavuş qızı.
3–cü yer - Lənkəran rayonu İlqar Mahmudov adına Liman şəhər 1 nömrəli tam orta məktəbinin 7-ci sinif şagirdi Nuralizadə Zəhra Azər qızı.
Qaliblər Lənkəran şəhər Heydər Əliyev Mərkəzi tərəfindən fəxri diplomlarla təltif olunublar.
