Vətən müharibəsi qazisinin yaşadığı evə gediş-gəlişin rahat olması üçün təmir işləri aparılır. Bu haqda bu gün, 29 iyul tarixində Cenublu.az Mikayıl Cəfərzadəyə istinadən xəbər verir.
Lənkəran Şəhər İcra Hakimiyyətinin əməkdaşları Gəgiran kəndində yaşayan igidimiz Xəyyam Əhmədovun evinə gedən yolu təmir ediblər. İşlər Lənkəran ŞİH-nin başçısı Taleh Qaraşovun tapşırığı ilə görülüb. İşlər qarşıdakı günlərdə də davam etdiriləcək.
Lənkəran ŞİH-nin müavini Mikayıl Cəfərzadə öz paylaşımında bildirib ki, qazi Xəyyam Əhmədov dövlətimiz tərəfindən nəqliyyat vasitəsilə təmin olunub.
