Bu gün Vətən müharibəsində qəhrəmanlıq göstərək şəhidlik zirvəsinə ucalan qəhrəman döyüşçü Səyadulla Əhmədovun ad günüdür.
Cəlilabad rayonunun Cəfərxanlı kəndində doğulub boya-başa çatmış Səyadulla Əhmədov 1998-ci il dekabrın 29-da dünyaya göz açıb.
Ailənin ilk övladı olan Səyadulla zəhmətsevərliyi ilə seçilirdi. Onun bu işgüzarlığı Vətən müharibəsində komandirlərinin də diqqətindən yayınmadı. 22 yaşlı döyüşçünü yüksək peşəkarlığına görə taqım komandiri təyin etmişdilər. O, sərrast atıcı kimi döyüşlərdə həmişə öndə gedirdi.
Səyadulla Vətən müharibəsində cəbhənin cənub istiqamətindəki döyüşlərdə sərrast atəşlə dəfələrlə düşmənin canlı qüvvəsini və texnikasını məhv etmişdi. İgid döyüşçü 2020-ci il oktyabrın 2-də növbəti döyüş tapşırığını yerinə yetirərkən qəhrəmancasına şəhid olub.
O, “Vətən uğrunda” medalı ilə təltif edilib.
