Saatlı rayonunda ailədaxili zorakılıq hadisəsi baş verib.
Lent.az-ın məlumatına görə, hadisə rayonun Qara Nuru kəndində qeydə alınıb. Belə ki, qrip xəstəliyi səbəbindən qulaqları zəif eşidən 32 yaşlı Amin Cəfərov (ad və soyad şərtidir) həyat yoldaşının dediklərini eşitməyib. Qadın sözlərini ikinci dəfə təkrar etsə də, kişi yenə eşitməyərək əsəbiləşib və arvadını yumruqla vurub. Nəticədə qadın yerə yıxılıb, daha sonra Amin Cəfərov onu saçından tutaraq çarpayının yanına sürükləyib və başını taxtaya çırpıb.
Faktla bağlı Amin Cəfərov saxlanılıb və barəsində cinayət işi açılıb. Məhkəmə istintaqı zamanı törədilən əməlin yüngül xarakterli olduğu müəyyən edilib və onun amnistiya aktına düşdüyü məlum olub.
Saatlı Rayon Məhkəməsinin qərarı ilə cinayət təqibinə xitam verilib, Amin Cəfərov məsuliyyətdən azad olunub.
