YAP Masallı rayon təşkilatı və Dini Qurumlarla İş üzrə Dövlət Komitəsinin Masallı bölgəsi üzrə şöbəsinin birgə təşkilatçılığı ilə “Ulu öndər Heydər Əliyevin əsasını qoyduğu din-dövlət münasibətləri bu gün də yüksək səviyyədədir” mövzusunda tədbir keçirilib. Bu haqda məlumatı Cenublu.az bu gün, 3 avqust tarixində verir.
Tədbirdə Heydər Əliyevin əsasını qoyduğu din-dövlət münasibətləri barəsində geniş məruzə ilə çıxışlar olub. Həmçinin Azərbaycan xalqının çoxəsrlik adət-ənənələrinin, milli-mənəvi dəyərlərinin qorunub saxlanılmasında və tolerantlıq ənənələrinin möhkəmləndirilməsində ümummilli lider Heydər Əliyevin müstəsna xidmətləri qeyd olunub.
Eyni zamanda Heydər Əliyevin İslam dininə olan ehtiramı, məscidlərin və digər dini ibadət yerlərinin yenidən qurulmasına verdiyi töhfələr barədə danışılıb. Bildirilib ki, ümummilli liderin xalqımızın milli-mənəvi dəyərlərinin, onun adət-ənənələrinin dirçəldilməsi, məscidlərin, ziyarətgahların bərpası ilə bağlı tədbirləri həyata keçirməsi onun bir daha xalqa mənən bağlılığını və islami dəyərlərə sədaqətini göstərən parlaq misallardır.
