Masallıda qardaşlar əmilərini öldürüblər. Bu haqda bu gün, 1 avqust tarixində Cenublu.az Report.az-a istinadən xəbər verir.
31 iyul tarixində Masallı rayon sakini, 61 yaşlı İbdulla Səfərovun öldürülməsi barədə rayon prokurorluğuna məlumat daxil olub.
Aparılan araşdırmalar nəticəsində 23 yaşlı Ariz Səfərov və qardaşı, 18 yaşlı Fəqan Səfərov şübhəli qismində saxlanılıblar. Onların doğma əmiləri İbdulla Səfərovla şəxsi münasibətlər zəminində mübahisəsi yaranıb. Qardaşlar taxta parçası və balta ilə əmilərini qətlə yetiriblər.
Faktla bağlı Masallı Rayon Prokurorluğunda Cinayət Məcəlləsinin 120.1-ci (Qəsdən adam öldürmə) maddəsi ilə cinayət işi başlanılıb.
Faktla bağlı araşdırma aparılır.
