Masallıda Vətən müharibəsi şəhidlərinin övladları üçün “Əmanət” adlı yay düşərgəsi təşkil olunub. Bu haqda məlumatı Cenublu.az bu gün, 27 iyul tarixində Əmək və Əhalinin Sosial Müdafiəsi Nazirliyinə istinadən verir.
Düşərgədə Masallı rayonundan 20 şəhidimizin övladları iştirak ediblər. İştirakçılar əvvəlcə Qəhrəmanlar Parkını ziyarət ediblər. Daha sonra onlara “Şuşa, sən azadsan!” sənədli filmi təqdim olunub.
Düşərgə müxtəlif personajların təqdimatında bədii-əyləncəli proqramla, yeni tanışlıqlar və rəngarəng görüntülərlə davam edib.
Qeyd edək ki, ötən aydan etibarən start verilən “Əmanət“ adlı yay düşərgəsinə Lənkəran, Cəlilabad və Masallıdan ümumilikdə 70-ə yaxın şəhid övladı cəlb edilib.
