Masallı rayon İcra Hakimiyyətinin başçısı Araz Əhmədov İcra Hakimiyyətinin inzibati binasında vətəndaşların qəbulunu keçirib. Bu haqda məlumatı Cenublu.az bu gün, 30 iyul tarixində Masallı rayon İcra Hakimiyyətinə istinadən verir.
Qəbulda rayon icra hakimiyyəti başçısı aparatının məsul əməkdaşları, hüquq mühafizə orqanlarının rəhbərləri, rayonun idarə, müəssisə və təşkilat rəhbərləri iştirak ediblər.
40 nəfərə yaxın vətəndaşın iştirak etdiyi qəbulda kəndin sərhəd məsələsi, avtomobil verilməsi və ev tikmək üçün növbəyə alınma, kirayədə qaldığı evin pulunu vaxtlı-vaxtında verə bilməməsi, məhkəmə işi, maddi köməklik, məşğulluq və işlə təmin olunma, payıbəlli, həyətyanı torpaq sahəsinin verilməsi, yaşayış evinin qəzalı vəziyyətdə olması, yaşayış evinin tikilməsi, bankdan kredit almasına köməklik, evinə gedən qaz təchizatının dayandırılması, yaşayış evinin təmiri və evinə qaz, işıq xəttinin çəkilməsi, Təzəkənd ərazi nümayəndəsindən narazılıq etməsi, sel suları nəticəsində dəymiş ziyan, həyətyanı torpaq sahəsinin başqa şəxsə qanunsuz verilməsi və s. məsələlər barəsində müraciətlər olub.
İcra Hakimiyyətinin başçısı Araz Əhmədov vətəndaşların müraciətlərinin həlli istiqamətində müvafiq qurumlara tapşırıqlar verib, həlli mümkün olan məsələlər yerində həll olunub.
