Masallıda “İnformasiya texnologiyalarının həyatımızda rolu” mövzusunda təlim keçirilib. Bu haqda məlumatı Cenublu.az bu gün, 3 avqust tarixində Masallı RİH-yə istinadən verir.
“Gənclər davamlı inkişaf üçün” layihəsi çərçivəsində təşkil edilən təlim İnformasiya texnologiyaları üzrə təlimçi, GİKM-in Astara nümayəndəliyinin əməkdaşı Emil Məmmədzadə tərəfindən keçirilib.
Təlimlər zamanı “İnformasiya texnologiyalarının həyatımızda rolu”, “Təhsil və iş həyatında texnoloji resurslardan istifadə”, “Bulud yaddaş xidmətlərinin faydaları”, “Müasir texnologiya avadanlıqlarından səmərəli istifadə”, “VR texnologiyalarının tətbiqi və istifadəsi” kimi mövzulardan bəhs edilib.
Qeyd edək ki, layihə “İrəli” İctimai Birliyinin təşkilatçılığı, Azərbaycan Gənclər Fondunun dəstəyi, GİKM və Azərbaycan Gənc Müəllimlər Assosiasiyasının tərəfdaşlığı ilə keçirilir.
