Masallı RİH-nin başçısı Araz Əhmədov rayonun Boradigah, Bədəlan, Kolatan və Sığdaş ərazilərində sakinlər ilə görüş keçirib. Bu haqda məlumatı Cenublu.az bu gün, 4 avqust tarixində RİH-yə istinadən verir.
Görüşlərdə rayon rəhbəri ilə yanaşı rayon İcra Hakimiyyəti Başçısının I müavini Məmmədhüseyn Hüseynov, aparatın şöbə müdirləri - Qəşəm Hadıyev, Afəddin Kərimov, şöbə müdiri əvəzi Əlimərdan Abdullayev, ağsaqqallar, din xadimləri, ziyalılar, şəhid ailələri, qazilər, gənclər və sakinlər iştirak ediblər.
Əvvəlcə görüş iştirakçıları ərazilərdə olan Birinci və İkinci Qarabağ müharibəsi şəhidlərinin məzarlarını, abidə komplekslərini ziyarət ediblər. Sonra rayon rəhbəri ağsaqqallar, şəhidlərin valideynləri, qazi, ziyalı və digər vətəndaşlarla görüşərək onların müraciətlərini dinləyib. Görüş zamanı sakinlər yaşadıqları ərazilərin problemlərini rayon rəhbərinə çatdırıblar və onlara köməklik göstərilməsini xahiş ediblər.
İcra başçısı bütün təklif və xahişləri nəzarətə götürüb.
