Masallı rayonunda 1961-ci il təvəllüdlü İbdulla Səfərovun qardaşı oğlanları tərəfindən öldürülməsinin təfərrüatları məlum olub. Bu haqda məlumatı Cenublu.az bu gün, 1 avqust tarixində Moder.az-a istinadən verir.
Belə ki, İbdulla Səfərov Təzə Alvadı kəndində baba mülkünün bölünməsini istəyib. O, ata yurdunun üçdə bir hissəsinin ona aid olduğunu deyərək, evi sökmək istəyib. Buna 23 yaşlı Ariz Səfərov və qardaşı, 18 yaşlı Fəqan Səfərov etiraz edərək əmiləri ilə davaya çıxıblar. Tərəflər ortaq məxrəcə gələ bilməyiblər və nəticədə münaqişə ölümlə bitib.
Digər məlumata əsasən, qətl törədən qardaşların ataları da, İbadulla Səfərovla dava etdiyi üçün hazırda həbsdədir.
Faktla bağlı Masallı Rayon Prokurorluğunda cinayət işi açılıb.
